Hvað er kassakerfi?
- Kassakerfi (POS-kerfi) er hugbúnaðurinn sem notaður er við afgreiðslu: það skráir sölu, tekur við greiðslum, gefur út kvittanir og heldur utan um vörur og birgðir. Plúsinn tengir þetta saman við starfsfólk, tímaskráningu og skýrslur.
Er Plúsinn einfaldur í notkun?
- Já. Afgreiðsluskjárinn er hannaður fyrir snertiskjá með stórum hnöppum og vöruflokkum, svo nýtt starfsfólk lærir á kassann á nokkrum mínútum.
Get ég notað kassakerfið í spjaldtölvu eða síma?
- Já. Plúsinn keyrir í vafra og virkar á spjaldtölvu, síma og tölvu. Ekki þarf að setja upp sérstakan hugbúnað eða kaupa dýran kassabúnað.
Hentar Plúsinn veitingastöðum?
- Já. Plúsinn er með borðakerfi og salarteikningu, opna reikninga á borð, skiptingu reiknings eftir vörum, jafnt eða eftir upphæð, eldhússkjá og QR-pantanir frá borði.
Get ég stjórnað mörgum verslunum?
- Já. Hægt er að reka fleiri en eina starfsstöð í sama kerfi, með birgðastöðu eftir starfsstöðvum og sameiginlegu yfirliti yfir sölu.
Er birgðakerfi innifalið?
- Já. Birgðastjórnun er innifalin: birgðastaða í rauntíma, vörutalning, innkaup og viðvaranir þegar birgðir eru að klárast.
Er hægt að skanna strikamerki?
- Já. Hægt er að skanna EAN-strikamerki með myndavél síma eða spjaldtölvu, bæði við afgreiðslu og lagertalningu.
Er hægt að tengja greiðsluposa?
- Já. Plúsinn tengist Teya-posum þannig að upphæðin fer beint á posann og salan klárast sjálfkrafa þegar greiðslan er samþykkt.
Er stimpilklukka í Plúsnum?
- Já. Starfsfólk stimplar sig inn og út með PIN-númeri og stjórnendur sjá vinnutíma, vaktaplan og grunn fyrir launaútreikning.
Geta starfsmenn haft mismunandi aðgang?
- Já. Hvert hlutverk fær sínar heimildir, til dæmis afgreiðsla, bókari, endurskoðandi eða eigandi, og hægt er að sérsníða aðgang hvers starfsmanns.
Er hægt að flytja vörur inn í kerfið?
- Já. Vörulista má flytja inn úr Excel, CSV, TSV, JSON eða XML skrá, svo ekki þarf að skrá hverja vöru handvirkt.
Er Plúsinn íslenskt kassakerfi?
- Já. Plúsinn er íslenskt kerfi, á íslensku, með íslenskum VSK-þrepum, kennitölum og aðstoð á íslensku.
Hvernig byrja ég að nota Plúsinn?
- Þú stofnar aðgang á plusinn.is, skráir fyrirtækið og vörurnar og getur byrjað að selja strax í vafranum. Engin binding eða stofngjald.
Hvernig skipti ég um kassakerfi?
- Flyttu vörulistann út úr gamla kerfinu sem Excel eða CSV skrá og inn í Plúsinn. Settu upp starfsfólk og greiðsluleiðir, prófaðu nokkrar sölur og skiptu svo yfir í byrjun dags eða mánaðar.
Virkar Plúsinn ef netið dettur út?
- Vörutalning heldur áfram án netsambands og samstillist þegar samband kemst á aftur. Afgreiðsla og greiðslur þurfa netsamband.
Hvar eru gögnin geymd?
- Gögnin eru geymd miðlægt og tekið er dulkóðað afrit daglega. Eigandi getur sótt öll gögn fyrirtækisins sem Excel-skrá.
Spurningar
Spurningar og svör
Stutt og skýr svör við því sem fyrirtæki spyrja oftast um áður en þau velja kassakerfi.